الخميس، 19 أكتوبر 2017

التجميعية الشاملة

الانجليزية

لن تحتاج أن تبحث على الانترنت بعد اليوم عن كورسات او دورات مجانية لتعلم الانجليزية .. ايا كان مستواك ستجد في هذا المقال ما يناسبك و سأقوم بتحديث الموضوع باستمرار لاضافة المزيد من الكورسات القيمة التى استكشفها ان شاء الله :)

أكبر تجميعية لكورسات اللغة الانجليزية - ماجيك تك

بص يا برنس و ركزي يا برنسيسة .. طبعا انتو عارفين اان الانجليزى دلوقتى بقى اهم من النيش :D و عشان كده لازم نتكلم انجليزى Perfect .. مش عشان نبقى زي بتوع القناة التانية .. لا عشان نبقى زي بتوع النايل تى في 

طب دول شوية نصايح عالسريع كده ان شاء الله ينفعوك :)

اول حاجة لازم تعرف ان الانجليزي بيعتمد على 4 مهارات

listening - speaking - reading - writing

لازم تتقنهم عشان تبقى بتعرف انجليزى

- لازم يكون عندك عزيمة انك تتعلم .. الرغبة فقط لا تكفى و خلى بالك ان كل قنوات اليوتيوب اللى تحت دى و كل المواقع دى هتفيدك و هتضيفلك حاجة جديدة ف لازم بعد ما تخلص كورس من كل حاجة ترجع تانى و تشوف باقى الكورسات اللى انت مشوفتهاش و دور فى قنوات اليوتيوب و ذاكر بالورقة و القلم و الحاجة اللى متعرفهاش دور عليها عالنت و شوف كذا شرح لحد ما تفهمها .

- متشتتش نفسك فى 100 كورس و 100 موقع و عمال تحط فى bookmarks و خلاص .. لا اختار الكورسات اللى تناسبك و ابدأ فيها و التزم انك تخلص جزء منها يوميا

- اختار موقع من مواقع التعليم التفاعلى و ادخل عليه كل يوم 10 دقايق او ربع ساعة

-اتكلم مع اجانب من خلال المواقع اللى تحت .. برضه سجل فى الموقع اللى يعجبك و هتلاقى فرصة انك تتكلم مع ناس لغتها الاصلية هى الانجليزى

- بتتفرج على افلام انجليزية صح ؟ بس عشان تفهم الفيلم بتقعد تقرا الترجمة .. لا يا برنس من النهاردة هتركز فى الفيلم و تحاول تطلع منه جمل و تعبيرات فى اللغة زى الحاجات اللى فى الكورس ده Fallimha و لو عجبك الموضوع خد بقا الموقع التحفة ده http://speechyard.com/ و اتفرج براحتك و مثال على كده الفيديو ده لازم تشوفه ازاي تستفيد من فيلم أمريكي عشان تظبط اللغة ( مثال)

- الأغاني الأجنبية طريقة جميلة جدا عشان تتعلم اللغة من غير ما تحس زي الافلام بالظبط و انا مجهزلك بلاي ليست عنب عشان تلاقى كلمات الاغنية ظاهرة عالفيديو و انت بتسمع BestEnSongs و لو عاوز اى اغنية تانية بالكلمات بتاعها ابحث فى اليوتيوب بس عن اسم الأغنية و اكتب بعده "with lyrics"
و تطبيق Musixmatch هيجيبلك كلمات اى اغية انت بتسمعها و يمشى معاها كلمة بكلمة بصراحة تحفة :)

- الكلام او الجمل اللى تسمعها كررها بنفس الطريقة اللى الممثل او الاستاذ اللى بيشرح بيقولها و عشان تقوى حاسة السمع عندك و تبقى مصحصح الموقع ده 10 دقايق فيه يوميا هتبقى زي الفل و طريقته ممتعة جدا بتعتمد عالافلام voscreen.com

- لما تيجى تتكلم انجليزى متبنيش الجملة بالعربي و بعد كده تترجمها انجليزى .. احنا كده مش هنخلص فى يومنا .. لا يا برنس انت لازم تفكر الانجليزى :D اه متبصليش كده .. لازم تفكر بالانجليزى و الموضوع سهل جدا .. انت بس محتاج تدرب لسانك كتير .. يعنى مثلا لما ترجع من برة و عاوز تسأل الحاجة عالأكل اسألها بالانجليزى و كلمها بالانجليزى متخافش هى متعوده انك تشلها :D مش شرط تكون بتتكلم صح فى الاول .. اهم حاجة انك تتعود

-اوعى تتكسف و انت بتتكلم .. خلينى اقولك ان معظم مراكز الكورسات دلوقتى بتعتمد على انها بتخلى الطلاب يعملوا دايرة و كل واحد يقوم يتكلم بالانجليزى فى اى حاجة من غير خجل او خوف من اخطاء لأن كل ده بيتعالج مع الوقت

-و اخيرا وصيتى ليك عشان تعبت .. اتعلم الاساسيات صح و قلد الناس اللى بيتكلموا فى الافلام و الناس اللى انت هتشوف الكورسات بتاعهم دلوقتى و هتستمتع بجمال اللغة ف كلامهم هتلاقى نفسك بقيت زيهم .. اللغة استماع جيد و فهم صحيح و نطق متزن و ممارسة من الاخر يعنى :D

* ملحوظة : و انت بتذاكر عاليوتيوب فيه احيانا علامة تحت كده جنب ايقونة اعدادات الفيديو لما تبقى ظاهرة ده معناه انك ممكن تعرض الكلام اللى بيتقال فى الفيديو على الفيديو نفسه زى الترجمة كده و الصورة التالية كمثال

أولا المحادثات

-Learning English with Misterduncan: ده راجل عسولة كده كل فيديو 7 دقايق بيعلمك فيهم حاجة جديدة فى اساسيات المحادثة

-أكثر من 100 محادثة لإتقان الإنجليزية من خلال اهم المواقف : دول بقا شوية محادثات للمبتدئين خالص لأن بيظهر فيها الجملة و ترجمتها بالعربي

-Learn English with Jennifer: Lessons for Beginners : الست دى بتعلم واحدة روسية المحادثة فى مجموعة الفيديوهات دى .. كمان القناة بتاعها فيها فيديوهات كتير مفيدة جدا للمبتدئين و المتخصصين فى اللغة ممكن توصلولها من هنا

-English For You : ده كورس بتقدمه الجامعةالأمريكية فى اسطنبول متقسم ل 3 مستويات

-Conversational English Skills -Edx : لو انت مش بتلاقى كلام تكمل بيه الجملة .. الكورس ده عشان يطور مهارات المحادثة عندك .

-تعلم كيف تعبر بالإنجليزية : ده للناس اللى بتحب كل حاجة بالترجمة .. طريقة حلوة هتذاكر بيها مصطلحات كتير فى اللغة

-English Conversation Topics : فيديوهات قصيرة بتحصل فى مواقف و اماكن مختلفة بتعلمك ازاى تتعامل و ايه اللى يتقال فيه

-English Conversation : دى بقا فيديوهات طويلة هدفها تعليمي و مناسبة للدراسة الأكاديمية

-فلمها : طريقة تعليم اللغة الانجليزية عن طريق الأفلام

-Disney's Magic English : نسيت أقولكم ان ديزنى عملت سلسلة أفلام كرتون صغيرة عشان تعلم بيها الأطفال الانجليزي بطريقة ممتعة

-Bedtime Story Animation | Best Children Classics HD : للي بيحبوا الحواديت دى مجموعة قصص روعة و مفيدة جدا للكبار و الصغيرين لازم تشوفهم

-English Beginner : كورس عربي للمبتدئين من أكاديمية الدارين

-English Conversation : هتلاقى فى الكورس ده فيديوهات منفصلة عن كيفية تعاملك فى المواقف المختلفة و ازاى تعبر .

النطق Pronunciation

-English Online Phonics : ده كورس صوتيات تحفة بادىء من الصفر .

-English Pronunciation : ده كورس خفيف كده بيعلمك شوية حاجات فى النطق .. و بيشرحه اكتر من مدرس .

-English Pronunciation in British accent- BBC : ده المفروض مجموعة فيديوهات بتشرح قواعد النطق على حسب اللهجة البريطانية بس احنا عشان خاطركوا جمعناه و خليناه فيديو واحد .. نسيت اقولكم انه مقدم من BBC :)

-English Pronunciation- Jennifer : دول بقا عبارة عن كورس مكثف بيشرح كل حاجة فى النطق بتقدمهولنا الحاجة جينيفر -الراعى الرسمى لمهرجان الاحتراف-

- Pronunciation of English Vowels with JenniferESL : ده تكملة للكورس اللى قبله بتاع الحاجة جينيفر

*فيه بقا 3 كتب من كامبريدج لل PRONUNCIATION عبارة عن ملفات PDF و معاهم ملفات صوتية

-English Pronunciation in Use Elementary

-English Pronunciation in Use Intermediate

-English Pronunciation in Use Advanced

الملفات الصوتية بتاعهم بقا بنفس الترتيب

-Elementary-audio

-Intermediate-audio

-Advanced-audio

و طبعا منسيناش حبايبنا بتوع الموبايل . تطبيق Pronunciation احسن تطبيق عشان يساعدك فى دراسة النطق

القواعد Grammar

-English Grammar Lessons with JenniferESL

Basic English Grammar Lessons with JenniferESL : دول كورسين عالسريع كده للحاجة جينيفر اللي مسابتش حاجة معملتهاش ربنا يكرمها يا رب و يخليها لعيالها :D

-English Grammar oxford : دول شوية فيدوهات من اكسفورد عالسريع كده

-Basic English Grammar : ده كورس جامد لازم هتفهم منه لو انت مبتدىء و عاوز الاساسيات

-LearnAmericanEnglishOnline - Grammar : الراجل ده بيشرح الأزمنة بالتفصيل و عالسبورة

- و عمرنا ما هننسى طبعا بتوع الاندرويد "احم احم" تطبيق English Grammar Handbook مش هتستغني عنه و برضه تطبيق English Grammar Ultimate حلو

-grammarly : اضافة لمتصفح جوجل كروم بتصحح الاخطاء اللغوية فى الحاجة اللى انت بتكتبها

-English Grammar in Use Fourth edition : ده يعتبر أفضل كتاب للقواعد .. و طبعا مش هجيبلكوا اى حاجة .. ده من كامبريدج

-EXPRESS ENGLISH : الكتاب ده أحسن كتاب عربي بيشرح القواعد فى نظري

مواقع تقدر تذاكر من عليها القواعد:

• http://goo.gl/0YGAEN

• http://goo.gl/TdT5S7

• http://goo.gl/FjhjRl

• http://goo.gl/SWKwzW

• http://goo.gl/5dvuu4

الترجمة

-الترجمة من البداية للإحتراف : كورس مقدم من أكاديمية الدارين

المواقع

-okey dokey : موقع شامل لكل حاجة قواعد و نطق و محادثة و كتابة ..

-British Council : مش محتاج اتكلم موقع متقسم حسب المستويات و الفئات العمرية

-bbc learning English : موقع بيوفرلك بجانب تعلم اللغة انك تسمع الاذاعة بتاعتهم الاشهر على مستوى العالم

-The Guardian : بيأهلك للايليتس عن طريق الاخبار فى المجالات المختلفة اللى بتديك ثقافة كبيرة فى اللغة

-JenniferESL : دى قناة عاليوتيوب لازم تتابعها و تشوف كل اللى فيها لو ناوى تتعلم انجليزي صح

-Learn English with EnglishClass101.com : موقع جميل لتعليم النجليزية باللهجة الأمريكية

-Learn English Free : موقع فيه كل حاجة عن اللغة من قواعد و امتحانات و كل اللي تحتاجه

-CNN Podcasts : زي موقع البي بي سي بس باللهجة الامريكية

-audioenglish.org :موقع بيقدملك محادثات مكتوبة و مسموعة و اختبارات و كده يعني

-English Central : موقع جميل بيقدملك فيديوهات و كورسات في كل حاجة حسب مستواك و حسب الموضوع اللى تختاره

-engvid : الموقع ده بقا فيه ييجى 11 مدرس بيشرحو لسيادتك كل حاجة فى كل حاجة مينفعش تسيبه كده و تمشى

-english4arab : ده احسن موقع عربي لتعليم الانجليزي .. ده في حالة انك مبتدىء و مش قادر تفهم كل الكورسات اللى فوق دى

-voscreen.com : الموقع ده بقا بيدربك على LISTENING بطريقة ممتعة جدا .. لازم تجربوه

-english tenses : موقع رائع لشرح الأزمنة بالتفصيل و بالصور لازم هتفهم منه
-English as a Second Language : موقع حلو بيدربك على القراءة و الكتابة و الاستماع و كده يعني :D
-fun easy English : ده موقع شامل و طريقته حلوة و ممكن تنفع للاطفال و الكبار
-http://speechyard.com/ : الموقع ده عليه افلام بيعرضهالك و معاها ال subtitles بتاعها بهدف التعليم و بتختار اللغة الام بتاعتك عشان لو كلمة مش عارف معناها بتقف عليها و بيترجمهالك للغتك .. قشدة كده ;)
-http://www.engames.eu/ : الموقع ده عارف انك زهقت من الدراسة التقليدية ف قال يدلعك شوية و يجيبلك شوية العاب فى القواعد :)
-https://www.ivona.com/ : الموقع ده بتكتب فيه اى كلمة او جمة و هو بينطقهالك باللهجة اللى انت عاوزها
-http://spellcheckplus.com/ : موقع حلو هيساعدك تحسن كتابتك
-Easy Reading : شوية قصص قصيرة مسلية و مفيدة فى نفس الوقت لتطوير ال reading
-https://sat.ilexir.co.uk/ : الموقع ده لما تحب تختبر كتابتك و تشوف مستواك ايه
-shawenglish.com : موقع فى منتهى الروعة بيضم أكثر من مدرس بيعلموك ازاى تتكلم